ໂດຍລາວເສຣີຊົນ L S X

 

                             ພູມໃຈເສັຽເຖີດໃຜເກີດເປັນລາວທີ່ບໍ່ແມ່ນສາຍແກວ

     

           ຂ້ອຍເອງດີໃຈຫລາຍ ທີ່ໄດ້ເກີດມາເປັນຄົນລາວ ບໍ່ແມ່ນເຊື້ອສາຍແກວ ຍັງມີປະເທສແລະຍັງມີວັຖນະທັມ ພາສາປາກເວົ້າ ຂີດຂຽນເປັນຂອງຕົນເອງຢູ່=

           ອັນນີ້ ແມ່ນຂ້ອຍຂໍໂທສ ທີ່ຕ້ອງໃຈຕົວອັກສອນຂຽນຂອງໄທຍ ເພາະຄອມບໍ່ມີອັກສອນລາວ=ຂ້ອຍຄິດວ່າຄົນລາວຫລາຍໆ ຄົນຈະຄິດເໝືອນກັບຂ້ອຍ-

           ຂ້ອຍດີໃຈທີ່ສຸດ ຖ້າເຫັນຄົນລາວເຮົາຮັກສາ ວັຖນະທັມຂອງຕົນເອງ ວ່າຈະເປັນກາຣເຮັດວຽກງານ ຫາລ້ຽງຊີບຫຼືກາຣມ່ວນຊື່ນຫລາຍໆ ຢ່າງ ຖ້າບໍ່ລືມວ່າ

           ເຮົາເປັນລາວແລ້ວ ຄົງຈະໜ້າຮັກ ແຕ່ຂ້ອຍເສົ້າໃຈຫລາຍທີ່ສຸດ ຖ້າເຫັນຄົນລາວທຳລາຍວັຖນະທັມຂອງຕົນເອງ ໂດຍຫວັງເງິນເລັກໆນ້ອຍໆເທົ່ານັ້ນຈິ່ງ

           ຢູ່ ກາຣຮັກສາວັຖນະທັມນັ້ນ ມັນຈະບໍ່ອິ່ມເໝືອນກິນເຂົ້າດອກ ມັນຈະບໍ່ໄດ້ເງິນແບບທັນໃຈດອກ ແຕ່ຢ່າລືມວ່າ ສິ່ງທີ່ຄົນລາວໃນປະເທສລາວມີສເນນັ້ນ

           ເພາະມີວັຖນະທັມລາວ ແລະຂ້ອຍເອງຢາກເລົ່າເຣື້ອງ ທີ່ໜ້າເສົ້າໃຈໃຫ້ຟັງ= ໃນອາທິດທີ່ແລ້ວມານັ້ນ ຂ້ອຍໄດ້ໄປເມືອງປາກເຊແຂວງຈຳປາສັກດ໌ ໄດ້ໄປ

           ໃນງານບຸນທີ່ວັດແຫ່ງນຶ່ງໃນເມືອງບາຈຽງ ເຂົາເຈົ້າໄດ້ຈ້າງໝໍລຳເຣື້ອງຄນະນຶ່ງມາງັນ ໝໍລຳຄນະນີ້ ມີຊືວ່າ=ສາວນ້ອຍເພດພູໄທ=ອັນນີ້ຄົງຈະເປັນສາວ

           ນ້ອຍນັ້ນຫລະເປັນຫົວໜ້າວົງ ຂ້ອຍເອງກໍ່ຢາກເບິ່ງ ເພາະບໍ່ໄດ້ເບິ່ງໝໍລຳເຣື້ອງມາດົນແລ້ວ ແຕ່ລາວແດງເຂົ້າມາປົກ ຈົ່ນຮ້ອດປັດຈຸບັນ ພໍເມື່ອເຫັນ

           ກາຣສແດງແລ້ວ ຂ້ອຍຕ້ອງລະອາຍໃຈແລະເສົ້າໃຈທີ່ສຸດ ທີ່ຂ້ອຍບໍ່ຄິດເລີຍວ່າ ໝໍລຳລາວທີ່ເປັນແນວໜ້າຂອງໃວລຸ້ນຍຸກນີ້ ຫຼືປະຊາຊົນຈະທຳລາຍ

           ວັຖນະທັມລາວຂນາດນີ້ ເພາະພວກນີ້ສແດງກາຣແຕ່ງໂຕ ບໍ່ເໝືອນໝໍລຳລາວເຮົາເລີຍ=ເພາະເປັນເໝືອນຄົນໄທຍທຸກຢ່າງ ຄັນວ່ານັກຮ້ອງກໍ່ລອກ

           ແບບມາຈາກນັກຮ້ອງໄທຍ=ແຕ່ໄດ້ມີນັກຮ້ອງໜຸ່ມຄົນນຶ່ງອອກມາໂຊໜ້າຮ້ານ ສແດງລີລາເໝືອນກັບລູກແພໄໝໄທຍ ແຕ່ເຖິງຈະເຮັດແບບໃດກໍ່

           ຄົງຈະບໍ່ເໝືອນດອກ ເພາະເຂົ້າບໍ່ແມ່ນລູກແພ ຂ້ອຍໂລດອາຍຕ່າງ ອາຍຄົນໄທຍທີ່ເຂົາເຫັນນັກຮ້ອງລາວເຮົາມີຫລາຍຄົນ ທີ່ດັງດ້ວຍລີລາຕົນເອງ

           ເຊັ່ນນ້ອຍມະນີໂຊດ ລາວທັງງາມທັງສຽງດີ ທັງມີລີລາເປັນຂອງຕົນເອງ ບໍ່ຈຳເປັນຈະຕ້ອງໄປລອກແບບໃຜກໍ່ດັງໄດ້ ຂ້ອຍຄິດວ່າ ຖ້າໝໍລຳເຣື້ອງວົງ

           ສາວນ້ອຍເພດພູໄທຍນີ້ ມາມີແບບເປັນຂອງຕົນເອງ ຄົງຈະໜ້າເບິ່ງກ່ວານີ້ ເພາະສຽງນັກຮ້ອງນັ້ນ ມັນມ່ວນແທ້ໆ ແຕ່ກາຣບົຕບາຕສແດງກໍ່

           ເໝືອນ ແຕ່ເສັຽເຣື້ອງກາຣແຕ່ງຕົວ ພາສາປາກເວົ້າ ແລະຄຳທີ່ເອົາມາເວົ້າ ບາງທີກໍ່ບໍ່ເໝາະສົມກັບຄວາມລາວ= ພວກຂ້ອຍບໍ່ຮູ້ວ່າ ກະຊວງໃດ

           ວັຖນະທັມໃດ ຈະຮູ້ຫຼືບໍ່ຮູ້ ຫຼືວ່າມົວແຕ່ນອນກິນເງິນເດືອນບໍ່ຈຶ່ງບໍ່ຮູ້=ອັນນີ້ຂ້ອຍກໍ່ຢາກຂໍຝາກໄປຫາທາງຄນະກາຣປົກຄອງ ຂອງພັຄຣັຖໃນສະພາ

           ລາວທຸກຄົນເດີ=ເພາະພວກຢູ່ໃນສະພານີ້ ວ່າເປັນຄົນລາວເຮົາແທ້ໆ ແລະເຄີຍພາກັນກິນເຂົ້າໜຽວຈໍ້າປາແດກ =ຢ່າໄປແຍກເຄິ່ງພຸ້ນເຄິ່ງພີ້ ມາ

           ຫາຍ້ອງຜູ້ອື່ນເຂົາ ສາສນາລາວເຮົາບໍ່ທັນເສົ້າ ວັຖນະທັມລາວເຮົາ ຍັງຄອຍເຈົ້າດອກສານກໍ່ ສິ່ງດີໆ ຂອງລາວເຮົາມີຢູ່ແລ້ວ ຢ່າລືມຖິ້ມເປົ່າດາຍ 

                       

 

                              ຈາກສູນກາງລາວອິສຣະ ເພື່ອປະຊາທິປະໄຕຍ