ໂດຍລາວເສຣີຊົນ L S X

 

              ກາຣສະເດັດຫຼົບໜີອອກຈາກປະເທສລາວ ຂອງອົງຄ໌ສົມເດັດ ພຣະສັງຄະຣາຊລາວ

               

               ອົງຄ໌ສົມເດັດພຣະສັງຄະຣາຊ ແຫ່ງພຣະຣາຊອານາຈັກຣ໌ລາວ ພຣະອົງຄ໌ໄດ້ສະເດັດຫຼົບໜີອອກຈາກປະເທສລາວ ເມື່ອວັນທີ-5-ມີນາ

          ,ພ,ສ,2522- ໃນເວລາປະມານ-23-00-ນ- ເສດໆ ຕົງກັບທ່າ ນ-ປ-ຂ- ໃນເຂດສຸຂາພິບານ ອຳເພີສີຊຽງໃໝ່ ຈ-ຫວັດໜອງຄາຍ ດ້ວຽພາ

          ຫານະ ແພໃສ້ຢາງຣົຖຍົນ ມີຜູ້ລອຍນໍ້າມາຍູ້ແພຕິດຕາມພຣະອົງຄ໌ມີ-3-ຄົນ ເປັນພຼະ(1)ຣູບ ຄືພຣະອົງຄ໌ເອງ ເປັນ-4-ແລະຄະລືຫັດຊາຍ

          (2)ຄົນ ຍິງ(1)ຄົນ ເພາະຍ້ອນມີສາຽເຫຕຸຫລາຽປະກາຣ ທີ່ທຳໃຫ້ພຣະອົງຄ໌ຕັດສິນໃຈ ລະຖິ້ມຄວາມເປັນປະມຸກສົງຄ໌ ແຫ່ງພຣະຣາຊອາ

          ຈັກຣ໌ລາວ ໄດ້ຫຼົບໜີມາພໍ່ານັກຢູ່ໃນປະເທສໄທຍ ພຣະອົງຄ໌ສົມເດັດ ຊຶ່ງໄດ້ພິຈາຣະນາເຫັນວ່າ ພາບພົດຄວາມເປັນຈິງ ໃນຣະບອບກາຣ

          ປົກຄອງໃໝ່ ທີ່ພວກເຂົາມີແຜນ ແລະຣະບົບກາຣຢ່າງລຶກລັບ ເພື່ອລ້າງທຳລາຽ ສາສນາວັດຖຸ ແລະສາສນາທັມ ຕາມເອກສານກາຣ

          ເມືອງແບບໃໝ່ ຊຶ່ງປະກົດແຈ້ງຊັດຂຶ້ນມາ ທີ່ຣະເດັກຣະນ້ອຽວ່າ ຢ່າງເຊັ້ນຄຸນບິດາມານດາ ສິນທັມ ສາສນາ ຂອງບັນພຣະບຸຣຸດ ທີ່ເຄີຍ

          ນັບຖືມາ ແລະບາບບຸນຄຸນໂທສ ນາຣົກສວັນບໍ່ມີ ພວກເຂົາເວົ້າແນວນັ້ນ ພຣະອົງຄ໌ຊົງໄດ້ພິຈາຣະນາ ເຫັນຄວາມຫລັບສູນລົງ ຂອງສະ

          ຖາບັນສູງສຸດຂອງຊາຕ ຊຶ່ງເປັນຈຸດຣວມຈິດໃຈຂອງປະຊາຊົນນັບພັນໆປີມາແລ້ວ ກໍ່ຊົງເຫັນຄວາມມືດມົວ ຕໍ່ກາຣປະຕິບັດສິນທັມກັມ

          ມະຖານ ທີ່ເຄີຍຊົງປະຕິບັດມາ ຈຶ່ງໄດ້ຕັດສິນພະໄທ ຣະຖິ້ມຄວາມເປັນປະມຸກສົງຄ໌ ຈຶ່ງໄດ້ສະເດັດລີ້ໄພ ຂ້າມມາເພິ່ງປະເທສໄທ ໃນວັນທີ-

          5-ມີນາຄົມ ປີ ພ-ສ-2522- ນັ້ນເອງ= ເພື່ອມາເພິ່ງພຣະບໍຣົມ ໂພທິສົມພານ ເຊັ່ນດຽວກັນ ກັບປະຊາຊົນລາວທຸກໆຄົນນັ້ນແລ້ວ ຈົ່ນເຖິງ

          ວາຣະສຸດທ້າຽ ແຫ່ງກາຣຊິ້ນພະຊົນຂອງພຣະອົງຄ໌ ( ເຣື່ອງຣາວຂອງສົມເດັດພຣະສັງຄະຣາຊ ຊຶ່ງພໍຈະສລຸບໄດ້ ດັ່ງນີ້ )

          (1) ເມື່ອມີກາຣປ່ຽນແປງກາຣປົກຄອງປະເທສ ຈາກຣະບອບປະຊາທິປະໄຕຍ ໂດຍເຄີຍມີ ພຣະມະຫາກະສັດເປັນປະມຸກ ມາເປັນຣະບົບ

          ສັງຄົມນິຍົມ ຄອມມຸນິສ ສະຖາບັນພຣະມະຫາກະສັດ ກໍ່ຖືກຍົກເລີກໄປ ໃຫ້ເປັນສາມັນຊົນ ຄົນທັມມະດາ ໃນວັນທີ-2-ທັນວາ ປີ-2518

          (2) ໃນກາຣປະກາດປ່ຽນແປງ ພຣະຣາຊອານາຈັກຣ໌ລາວ ມາເປັນສາທາລະນະຣັຖ ປະຊາທິປະໄຕຍປະຊາຊົນລາວ ແລ້ວໄດ້ປ່ຽນທຸງຊ້າງ

          ສາມສຽນ ຕັ້ງຢູ່ໃຈກາງແພສີແດງ ແລ້ວມາປ່ຽນໃຫ້ເປັນທຸງຢ່າງອື່ນໄປ

          (3) ມາຍຸບສະພານິຕິບັນຍັດ ແລະມາຕັ້ງສະພາປະຊາຊົນແທນ ແຕ່ປະຊາຊົນບໍ່ມີສິດຫຍັງເລີຍ

          (4) ຈັບກຸມຄນະຣັຖມົນຕຣີ ຄນະປະສົມກາຣເມືອງ ອັນເປັນຝ່າຽບໍຣິຫາຣຊັ້ນສູງ ຊຶ່ງເປັນຝ່າຽຕົງກັນຂ້າມ ໄປຢູ່ຄ້າຍກັກຂັງ

          (5) ສະຖາບັນຕຸລາກາຣທັງໝົດ ຍຸບລົງ ມາຕັ້ງສານປະຊາຊົນແທນ ແຕ່ເອົາລູກປືນອາກາມາໃຊ້ເປັນສໍຈົດຖບຽນ

          (6) ເມື່ອປະກາດຍົກເລີກທຸກໆ ສະຖາບັນ ໃນຣະບອບກາຣປົກຄອງເກົ່າແລ້ວ ຕໍ່ມາເມື່ອວັນທີ-7-ທັນວາຄົມ,ພ,ສ,2518- ມີເຈົ້າໜ້າທີ່

          ໃນຣະບອບກາຣປົກຄອງໃໝ່ຂອງພວກເຂົາ ໄດ້ປຸກລະດົມນິສິດນັກສຶກສາແລະປະຊາຊົນ ໃນນະຄອນຫລວງພຣະບາງ ໃຫ້ພາກັນເດີນ

          ຂບວນໂຄ່ນລົ້ມ ພຣະຣາຊບັນລັງຢ່າງຊິ້ນເຊີງ ນອກຈາກນັ້ນໃນວັນຕໍ່ມາ ກໍ່ລະດົມພຣະສົງຄ໌ສາມະເນນແລະທາຍົກທາຍິກາ ໃນເຂດ

          ນະຄອນຫລວງພຣະບາງ ໃຫ້ມາຮ່ວມກັນທີ່ວັດໃໝ່ ສຸວັນນະພູມານາຣາມ ຊຶ່ງເປັນວັດທີ່ປະທັບ ຂອງອົງຄ໌ສົມເດັດພຣະສັງຄະຣາຊ

          ເມື່ອຂບວນໂຄ່ນລົ້ມ ບີບບັງຄັບສົມເດັດພຣະສັງຄະຣາຊ ໃຫ້ຊິ້ນອຳນາຈແຫ່ງປະມຸກສົງຄ໌ ຢ່າງຊິ້ນເຊີງແລ້ວ

          (7) ໃນວັນທີ-11-ມິນາຄົມ,ພ,ສ,2519-ຕໍ່ມາມີເຈົ້າໜ້າທີ່ ໃນຣະບອບກາຣປົກຄອງໃໝ່ ໄດ້ທຳກາຣຈັບພຣະເຈົ້າມະຫາຊີວິດ ແລະພຣະ

          ອັຄມະເຫສີ ພ້ອມພຣະບໍຣົບວົງສານຸວົງ ຈຳນວນ-7-ພຣະອົງຄ໌ ເອົາໄປຄຸມຂັງໃວ້ ທີ່ເຂດກັກກັ້ນແຂວງຊຳເໜືອ ໂດຍບໍ່ຊາບຊາຕາກັມ

          ຂອງພຣະອົງຄ໌ເຖິງທຸກວັນນີ້

          (8) ພຣະບາງ ຊຶ່ງເປັນພຣະພຸທທະຣູບຄູ່ບ້ານຄູ່ເມືອງຂອງລາວ ທີ່ປະຊາຊົນລາວເຄົາຣົບຢ່າງສູງ ໄດ້ມີເຈົ້າໜ້າທີ່ ໃນຣະບອບກາຣປົກ

          ຄອງໃໝ່ ໄດ້ນຳເອົາອອກຈາກ ພຣະຣາຊວັງຫລວງພຣະບາງ ໄປຢ່າງລຶກລັບ ໂດຍບໍ່ມີໃຜຊາບ ຈົ່ນກະທັ້ງທຸກວັນນີ້ ແລ້ວພວກເຂົາໄດ້

          ນຳເອົາພຣະບາງຈຳລອງ ຈາກວັດໃໝ່ສຸວັນນະພູມານາຣາມ ເອົາໄປປະດິດສະຖານໃວ້ແທນ ເພື່ອດອກລວງຕາຄົນລາວ ແລະຄົນທັງ

          ໂລກໄປ ໃຫ້ເຂົ້າໃຈວ່າ ເປັນພຣະບາງອົງຄ໌ຈິງ

          (9) ເມື່ອພຣະອົງສະເດັດເຖິງນະຄອນວຽງຈັນທນ໌ ແນມໄປບໍ່ເຫັນສາລາພັນຫ້ອງ ຊຶ່ງພຣະອົງຄ໌ເຄີຍເປັນປະທານຄນະສົງຄ໌ແຕ່ກ່ອນ

          ຄນະຣັຖບາລເກົ່າ ສ້າງເປັນອະນຸສອນສະຫລອງກິ່ງພຸທທະກາຣ ໄດ້ຖືກເຈົ້າໜ້າທີ່ ລາວຄອມມຸນິສຮື້ຖອນ ທຳລາຽຈົ່ນໝົດຊິ້ນ

          (10) ເມື່ອປ່ຽນແປງ ກາຣປົກຄອງແລ້ວ ພວກເຈົ້າໜ້າທີ່ຣະບອບໃໝ່ ໄດ້ບັງຄັບໃຫ້ປະຊາຊົນ ນຳເອົາເງິນຂອງຣັຖບາລເກົ່າ ມາປ່ຽນ

          ເປັນເງິນປົດປ່ອຽຂອງຣັຖບາລໃໝ່ ໃນຣາຄາ-1,000 ກີບ ຕໍ່-50-ກີບ ຂອງຣັຖບາລໃໝ່ ຕໍ່ມາປະຊາຊົນມີແຕ່ທຸກທໍຣະມານ ບາງຄົນ

          ກໍ່ເປັນລົມຊອກຕາຍໄປ ເພາະຍ້ອນກາຣແລກປ່ຽນເງິນກໍ່ມີ ໃນເວລານັ້ນ ຖ້າໃຜໄປປ່ຽນບໍ່ທັນ ໃນເວລານັ້ນ ພວກມັນກໍ່ປະກາດວ່າ

          ສ່ວນເງິນຣັຖບາລເກົ່າ ທີ່ມີຢູ່ນຳໃຜນັ້ນ ຖ້ານຳເອົາມາປ່ຽນບໍ່ທັນ ກໍ່ກາຽເປັນເສດກະດາດໄປເລີຍ ໂດຍປະຣິຍາຍເຫຕຸກາຣຕ່າງ ໆ ດັ່ງ

          ກ່າວມານີ້ ເປັນເຫຕຸກາຣກະທົບກະເທືອນ ແລະເສົ້າສະລົດໃຈ ຂອງພຣະອົງຄ໌ເປັນຢ່າງຍິ່ງ ພຣະອົງຄ໌ທ່ານ ແນມເຫັນລູກຫລານ ແລະ

          ປະຊາຊົນລາວ ໃນທຸກຊົນຊາຕຊົນເຜົ່າ ແຕ່ເໜືອຕລອດໃຕ້ ມີແຕ່ນໍ້າຕານອງໜ້າ ເພາະທືກບີບຄັ້ນ ທຸກຮອບລ້ານ ຈຶ່ງທຳໃຫ້ພຣະ

          ອົງຄ໌ຕັດສິນພຣະໄທ ລະຖິ້ມຄວາມເປັນປະມຸກສົງຄ໌ ໃນພຣະຣາຊອານາຈັກລາວ ແລະໄດ້ໜີໄປສູ່ປະເທສ ທີ່ມີກາຣປົກຄອງ ໃນຣະບອບ

          ປະຊາທິປະໄຕຍ ແລະອັນມີພຣະພຸທທະສາສນາ ເປັນຫລັກໝັ້ນ- ດັ່ງນັ້ນ- ເມື່ອວັນທີ-5-ມີນາຄົມ ພ,ສ,2522-ພຣະອົງຄ໌ພ້ອມດ້ວຽສາ

          ນຸສິດຜູ້ຕິດຕາມ ຈຶ່ງໜີຂ້າມຝັ່ງໂຂງ ເຂົ້າສູ່ປະເທສໄທ ແລະໄດ້ສະເດັດໄປພໍ່ານັກ ຢູ່ທີ່ວັດມະນິນະວາດ ຈັງຫວັດອຸດອນທານີ ແຕ່ວັນທີ-

          6-ມີນາຄົມ ເຖິງ-16-ມີຖຸນາຍົນ ປີ-2522- ເປັນເວລາ-3-ເດືອນກ່ວາ ຈຶ່ງໄດ້ສະເດັດເຂົ້າຮັກສາພຣະອົງຄ໌ ທີ່ໂຮງພະຍາບານ ຂອງທ່ານອະ

          ທິບໍດີ ກົມກາຣສາສນາ ພາຍໃຕ້ກາຣອຸປຖັມ ຂອງມະຫາເຖຣະສະມາຄົມ ຣັຖບາລໄທ ສະພາກາຊາຕໄທ ແລະພຸທທະສາຊະນິກະຊົນ ຜູ້

          ມີຄວາມເຫລື້ອມສັຍໃນພຣະອົງຄ໌ ພຣະອົງຄ໌ໄດ້ປະທັບຢູ່ທີ່ໂຮງພະຍາບານສົງຄ໌ ເປັນເວລາ-5-ປີ ກັບ-8-ວັນ ແຕ່ວັນທີ່-17-ມີຖຸນາຍົນ

          ພ,ສ,2522- ເຖິງວັນທີ-24-ພ,ສ,2527- ແລະພຣະອົງຄ໌ ຊິ້ນພຣະຊົນ ໃນວັນທີ -24-ພ,ສ,2527-ນັ້ນເອງ

       

                       ບັ້ນຂ້າມນໍ້າຂອງ ໃນຄວາມທຸກຂອງປະຊາຊົນລາວ

 

            ຍາມເມື່ອຄອມມຸນິສ ໄດ້ຄອງຄອບເມືອງລາວທຳອິດນັ້ນ ປຸ່ນດັ່ງດວງຕາເວັນໝອງ ມືດມົວສູນເສົ້າ ແຜ່ນດິນລາວລາມຮ້ອນ ຮົມເຫັງ

         ໄປທົ່ວ ສຸດຊົ່ວພູມແຜ່ນພື້ນ ທະລັງໄມ້ມຸ່ນກະຈວນ ເລີ້ມມັນຕັ້ງແລກນັ້ນ ຄຸມເຄັ່ງຄົນກາຣ ຈັບກຸມໄປກັກຂັງອັ່ງອໍໂຮມໃວ້ ຕຳຣວດເຂົາ

         ພຽງພ້ອມ ຊຸມທະຫາຣຄົນເກັ່ງ ມັນຊ່າງຊອມຊອກເຣື້ອງ ຄຸມແຄ້ນຂົ່ມເຫັງ ມັນເອົາໄປກັກຂັງໃວ້ ໃນບ່ອນສຳມະນາ ຢູ່ສຸດແດນດິນລາວ

         ແຕ່ເໜືອເຖິງໃຕ້ ມັນຫາກຫາແນວເວົ້າ ວ່າມັນສມອງເປື່ອຍເຍື່ອຍ ອັນນັ້ນໃຊ້ບໍ່ໄດ້ ອັນນີ້ໃຊ້ບໍ່ໄດ້ ຈຳຕ້ອງສ່ວຽສີວ່ານາ ຖືກຄົນມີພະຍາດ

         ຮ້າຽ ແຮງອ່ອນຕາຍໄປ ຄັນໃຜຍັງເປັນຄົນ ໃຫ້ຊ່ວຍກັນແປງສ້າງ ໂຮມຮ່ວມເຮັດເມືອງບ້ານ ລາວເຮົາໃຫ້ເຮືອງຮຸ່ງ ຕາມແບບອັນຝຸ່ງຟື້ນ

         ຄອມມຸນິສນັ້ນຈຶ່ງຄວນວ່ານາ ຄອບຄົວຍັງຢູ່ບ້ານລູກຮັກເມັຽແພງ ເນົາພໍ່າຫລັງຊ່ວຍກັນແປງສ້າງ ພວກມັນວ່າ ເຮົາມາໂຮມກັນຍູ້ ສັງ

         ຄົມເຮົາ ໃຫ້ກ້າວກະໂດດ ມັນໂພດຕັ້ງແຕ່ເຄົ້າ ກິນນັ້ນຊອກເອງຫັ້ນແລ້ວ ມັນມາປຸນປ່ຽນປີ້ນ ຣະບອບໃໝ່ສັງຄົມແກວ ໃນກາຣຖືໂຕເອງ

         ແຕ່ຫລັງໃຫ້ຈຳມ້າງ ພໍ່ແມ່ບຸດຕາພ້ອມ ວົງສາຄະນາຍາດ ໃຫ້ຕັດຂາດນັບແຕ່ນັ້ນ ເມືອໜ້າບໍ່ໃຫ້ຖືວ່າໜາ ຜູ້ໃດຮັກຊາຕພ້ອມ ລັດທິໃໝ່

         ໃຫ້ຖືນັບ ທຸກຄົນຕ້ອງເປັນຄົນຫລວງ ສໍ່າກັນໂດຽດ້າມ ໃຜໆກໍ່ເປັນໄດ້ ທະແນມໃຈຮັກຊາຕ ມາກເດນິນແມ່ນແທ້ ຄືພຣະເຈົ້າແຫ່ງລາວມັນ

         ວ່າ ທຸກມືນີ້ຕ້ອງສຳດວດໂຕເອງ ມັນໃຊ້ຄົນຄອຽຄຸມ ສອດແນມດີຮ້າຽ ທັງໄທເມືອງໄທບ້ານ ຕ້ອງເດີນຕາມພວກມັນບອກ ວ່າແຕ່ພັຄສັ່ງ

         ຊີ້ ດີຮ້າຽແມ່ນໃຫ້ທຳແທ້ນາ ພໍວ່າມັນເຮັດໄດ້ ປີນຶ່ງສອງປີ ຄວາມສັບສົນມາວົນວາຽ ກໍ່ເກີດມີຫລາຽຂຶ້ນ ເສຖກິດກາຣຄ້າ ກາຣເມືອງໃນ

         ປະເທສ ນັບມື້ໝອງໝົ່ນເສົ້າ ຊາວບ້ານໜ່າຽແໜງມັນແລ້ວ ພວກມັນນາບຄູ່ຂ້ຽວ ໃຫ້ພວກໝູ່ຄົນລາວ ຈອງຫອງບາຍຫົວສອນ ໃຫ້ສໍ່າ

         ກັນທຸກຊົນຊັ້ນ ມັນຂູ່ເຂັນເອົາຮອງໃຊ້ ຕັນຫາມັນທຸກເຍື່ອງ ເຮັດໄດ້ແມ່ນແຕ່ລ້ວນ ຖືແພ້ສູ່ອັນແທ້ໜາ ເບິ່ງມັນຄຸມຂອດຂ້ຽວ ມີແຕ່ສຳ

         ມະນາຫັ້ນແລ້ວ ເສຖກິດຄົນລາວ ຈົ່ນຊຸດໂຊມກຸດຫ້ຽນ ອັນວ່າກາຣເມືອງນັ້ນ ແຜນງາມສຸດຂນາດ ມັນວ່າໃດ ບາດລົງມືເຮັດແລ້ວແຫລວ

         ລົ້ນສູ່ອັນ ແກວສໍ້າແຫ່ງຢາກຮ້າຽ ມວນໝູ່ຄົນລາວເຮົາແລ້ວ ມັນຫາວ່າ ເຮົານຳບໍ່ທັນແຜນກາຣ ກະໂດດກາຍເກີນຂັ້ນ ມັນເດົ່າແຮງຮົນ

         ຮ້າຽ ໃຫ້ທຳກາຣໜັກຕື່ມ ສ່ວນປະຊາຊົນລາວບໍ່ພ້ອມ ຊອມຖ້າແຕ່ສິ່ໜີໄປແລ້ວ ເລີຍເດົ່າລັກລອບລີ້ ໜີຈາກເຮືອນຊານ ທຳອິດມີສອງ

         ສາມຄົນ ຕໍ່ມາພໍຮ້ອຽ ເປັນພັນເປັນມື່ນ ຊຸມມັນເລີຍຫາເຣື້ອງເວົ້າ ວ່າປະຕິກາຣສັບສໍ່ ຄົນລາວຈິ່ງພາກັນແດ່ນເຕັ້ນ ໂຕນຂ້າມໄປຝັ່ງໄທ

         ຄົນລາວພາກັນລັກລອບລີ້ ເພາະໜີຈາກຄວາມຕາຍນັ້ນແລ້ວ ແກວມາວົນວຽນຫາ ວ່າລາວຫລົງເຊື້ອ ລາວທີ່ເນົາໃນນັ້ນ ຖືກມັນຄຸມຂ້າ

         ທັງຈັບໄປດັດສ້າງ ເມືອງສວັນກ່າງປ່າພຸ້ນນາ ເຈບປ່ວຍຕາຍນອກນັ້ນ ເຫລືອແລ້ວໄດ້ແດ່ນໜີ ລາວແດງມັນຊໍ້າແຫ່ງຢາກຮ້າຽ ເລີຍ

         ເອົາວຽດມາຄຸມລາວແທ້ແລ້ວ ເອົາມາຢາຽຕາມທາງ ໃຫ້ຊອກຊອມລາວໃວ້ ພໍເມື່ອເຫັນແກວແລ້ວ ຄົນລາວກໍ່ຂົມຄຽດ ແຮ່ງພາກັນຜ່າຽ

         ລີ້ ໜີຕາຍໜ້າກໍ່ສ່າງຕາມ ພວກມັນຊໍ້າຮຸນຮ້ອນ ແຫ່ງເຫລ່ງວາງແຜນ ກົດເກນເອົາຄົນລົງ ຍໍ່າຖອງເຖິງພື້ນ ຈຳກັດໃຫ້ຕັດຈົ່ນຫຍໍ້ ປັນ

         ຍາອັນເຮືອງຮຸ່ງລາວນັ້ນ ເຮັດໃຫ້ເປັນຄວຍຖືກໃບ້ ງົມງ້ວງຖ້ອຍຜຍາ ຄົນລາວທຸກຍາກແລ້ວ ຊໍ້າພັດຕື່ມທົນທຸກເດນໍ ຄອບວ່າພວກລາວ

         ແດງມັນຫວັງ ໃຫ້ເບິດທຸກຄົນ ສໍ່າກັນໂດຽດ້າມ ພວກມັນຊອມເຫັນໃຜສູງຂຶ້ນ ຄອຍຮານລົງຕໍ່າ ໃຫ້ເຮົາທົງທຸກແຄ້ນຄຸງຄ້ອນແລ້ວຈ່ອງ

         ຈຳ ມັນວາງແຜນອຸບາຽຮ້າຽ ແນວໃໝ່ເອກສານ ມັນຮີບເອົາຄົນໜີ ຈາກເມືອງພາຍພີ້ ແລ້ວນຳເອົາຄົນແກວບ້າ ມາແທນບ່ອນຢູ່ລາວ

         ແລ້ວ ມັນພາກັນສັບປ່ຽນມ້າງ ສະຖານແທ້ແຕ່ເດີມ ສົມບັດອັນແສນສ້າງ ຕັ້ງແຕ່ເມື່ອຄາວຫລັງມານັ້ນ ເຮືອນຊານຈຳເປັນປະ ປ່ອຽໜີ

         ຈຳຖິ້ມ ສີວິລັຍເບິດບາດນີ້ ເມືອງບ້ານແຫ່ງລາວ ຜົວເມັຽທັງລູກເຕົ້າ ໜ້າທີ່ໃຜມັນໄປແລ້ວ ແຈກຈາຽຢາຽກັນໄປສູ່ທາງຕາມຜ້ານ ພໍເມື່ອ

         ກາຣເສດແລ້ວ ຄືນເຮືອນກັບຕ່າວມານັ້ນ ໄດ້ທໍ່ແນມເບິ່ງໜ້າ ກັນແລ້ວແກ່ງຫົວ ສ່ວນນຶ່ງ ເກນເອົາສາວສໍ່ານ້ອຽ ໄປເຮັດນາແຊງ ໄລ່ໄປ

         ໄຂຄັນແທນາ ເປ່ງທາງໄຫລນໍ້າ ເກນໄປຂຸດຝຸ່ມພື້ນ ປັດຕະພີຍາວຍ່ານ ບັງຄັບທຸກທົ່ວໜ້າ ໃຫ້ໂຮຮ້ອງວ່າມ່ວນຫລາຽ ນາແຊງ ປີງລອບ

         ລ້ານ ຊອນແຊກອຸທະກັງເຂົາແລ້ວ ເກາະຂາຂອງຊຸມສາວ ສະເດີດຫລົງໄຫລຮ້ອງ ລາງເທື່ອມີງູງ້ຽວ ແນວພານຂົບຕອດ ຢາປິ່ນປົວທຸກໄຮ້

         ຫາແລ້ວແມ່ນບໍ່ມີແທ້ນາ ຄັນວ່າ ຍາມຄໍ່າເຊົ້າ ມັນເອີ້ນຮຽກໂຮມກັນ ບັງຄັບໃຫ້ໄປຢືນເປັນແຖວ ໂຮ່ແຊວຊົມເຊີຍຮ້ອງ ໃຫ້ຕົບມືຊົມເຊີຍ

         ສ້າງ ວັນນະຄະດີໃສສ່ອງ ທັງມືກໍ່ໃຫ້ແອະແອ່ນຟອ້ນ ນໍ້າຕາຍ້ອຍຍ່າວໃນ ຕັ້ງຫາກອິດເມື່ອຍລ້າ ມາແຕ່ຍາມກາງເວັນພຸ້ນແລ້ວ ຍັງບໍ່ມີອາ

         ຫານ ເຂີນຂາດບາງເບົາທ້ອງ ມັນຊໍ້າໄຖຖູເຂົ້າ ຮູເຂມແສນຍາກແທ້ເດ ຄິດກໍ່ຄິດເມື່ອຍລ້າ ໃຈເສົ້າໂສກທະວີ ພໍວ່າເມືອຮອດບ້ານ ອິດອ່ອນ

         ໂຮຍແຮງຫລາຽແລ້ວ ເລີຍເອົາແພມາປົກຫົວ ບໍ່ຕີງຢູ່ໃນມຸ້ງ ສ່ວນວ່າຜົວເມັຽເວົ້າ ດອມກັນຍາກຍິ່ງແທ້ແລ້ວ ຢ້ານແຕ່ຜົວຊອກຂໍ້ ເມັຽ

         ຊ້ອນຊອກຄວາມ ອັນວ່າຊົນຊາຕເຊື້ອ ຊຸມເຊັ່ນຊາວລາວເຮົານີ້ໜ້າ ຕັ້ງວ່າມີນິໃສງາມ ອ່ອນນວນກາຣກີ້ ເລີຽຖືກແກວເພມ້າງ ພັງທະລາຽ

         ກະຈາຽມຸ່ນ ປຸ່ນດັ່ງສັດຖືກຄ້ອນຄຸງຮົ້ວນໍ່າຕີ ຫລາຽຄົວໂສສຸດແລ້ວ ໄດ້ປີນລອດຫລົບໜີ ກອງຫລອນມັນແນມເຫັນ ລັ່ນປືນໄປຂ້າ ລາງ

         ຄົນນັ້ນ ຖືກຈັບໄປຜູກຈ່ອງ ເຮັດໃຫ້ເຍົາເກືອບມ້ວຽ ສາແລ້ວກ່ອນໄປ ຕ່ອນວ່າເດີກຂ້ອນໆ ພໍໄກ່ຂັນກົກມານັ້ນ ສົງຄ໌ສານເດຄົນລາວ

         ລຸກສະເດີດໂຕມັນເອີ້ນ ແລ້ວມັນຈັບເອົາໄປຈ້ອຽ ຜິດຫຍັງບໍ່ຮູ້ເມື່ອ ເລີຍປະເມັຽແລະລູກນ້ອຽ ເຮໃຫ້ຫໍ່າຫາແທ້ນາ ຄົນໃນຊົນລະບົດ

         ບ້ານນັ້ນ ຕົກຄະມະກັງວົນ ຢ້ານມາເຖິງພາຽໂຕ ດັ່ງດຽວກັນນັ້ນ ມີຫລາຽຄົນມ້ຽນ ດາວດາຕົກແຕ່ງ ເພື່ອຈັກໜີຜ່າຍລີ້ ລັດທິຮ້າຽຍໍ່າ

         ຄອງ ຖ້າວ່າມັນຊອກພໍ້ ມັນຫາວ່າຂັດຂືນ ຂັ້ນເທິງແນວທາງມັນ ສັ່ງຄຸມຂັງໃວ້ ແລ້ວມັນສັ່ງໄປດັດສ້າງ ກາງດົງດອມປ່າ ມັນວ່າ ເອົາໄປ

         ສາສ່ວຍລ້າງ ສະໝອງເປື້ອນເໜົ່າເໝັນ ລາງຄົນມີຜົວຢູ່ພຸ້ນ ພຽນພໍ່າສຳມະນາ ເມັຽຢູ່ເນົາທາງເຮືອນ ຖືກມັນເອົາຊໍ້າ ວາຈາບໍ່ຮ່ອນໄດ້

         ເພາະປາຍປືນອາກາມັນຈໍ້າຈໍ່ ໄດ້ທໍ່ຄິດຄຽດແຄ້ນ ເຕມແໜ້ນທັ່ງທວງທໍ່ນັ້ນແລ້ວ ຄົນລາວທົ່ວປະເທສເຂຕຸກ້ວາງ ແຕກຕື່ນອົນຕາຍ

         ກັນແລ້ວ ເລີຍເຫລົ່າພາກັນປົບ ແຕກໜີເມືອງບ້ານ ໃຜພໍໜີໄປມົ້ມ ທາງໃດພລັນແລ່ນ ປຸນດັ່ງປ່າແຕກຂ້ອງ ລອຽນໍ້າຜ່າຍໜີ ລາງ

         ຜ່ອງໂດດຟັ່ງຟ້າວ ລົງທ່າທັງແຮງ ສິ້ນສົ້ງໄຫລດຸດໂຕ ປ່ອຍເປືອຍໂຕນນໍ້າ ພໍລາວແດງແນມເຫັນແລ້ວ ນຳເອົາປືນມາຈໍ້າ ຈຳໃຈໃຫ້

         ກັບຕ່າວ ເລີຍເດົ່າໄປບໍ່ມົ້ມ ມັນທື້ນກອດກຸມ ລາງຄົນໂຕນລົງນໍ້າ ລົດບໍ່ຄ່ອຍເຄີຍລອຽ ເພາະວ່າຕົກໃຈຫລາຽ ມຸດລົງຫາຽຈ້ອຽ ເລີຽເດົ່າ

         ຕາຍຕົກນໍ້າ ຫລາຽວັນຄາບຈົ່ນເປື່ອຍມາແລ້ວ ທາງພໍ່ແມ່ພີ່ນ້ອງ ພາກັນໃຫ້ທັ່ງທວງ ລາງຄົນຊວງເອົາລູກອູ້ມ ເລດຮີບລົງເຮືອ ສອງ

         ຜົວເມັຽລົງເຮືອ ທໍ່ພາຍທາງຢ້ານ ພໍດີກອງຫລອນແນມເຫັນພໍ້ ເລີຍແນປືນຍິງໃສ່ ເຮືອໂງກຂ້ວມ ກາງແກ້ງແມ່ຂອງຫັ້ນແລ້ວ ຜົວ

         ເມັຽລອຽສະເດີດຟ້າວ ຄົວເອົາລູກແລ້ວຫລຸດມື ລູກນ້ອຽທັງສາມຄົນ ຈົ່ນຫາຽຈົມປິ້ງ ສອງຜົວເມັຽມ້ວຍ ບຸກບືນຂຶ້ນຟັ່ງ ໄດ້ແຕ່ລີ້ນລັ່ນ

         ໃຫ້ ເຮຮ້ອງຫໍ່າຫາລູກແລ້ວ ນໍ້າຕາປຸ່ນດັ່ງນໍ້າ ເລືອດດັ່ງລິນໄຫລ ຢືນແນມຕາມສາຽນໍ້າຂອງ ບາດຕາໝູນປີ້ນ ນໍ້າຂອງໄຫລເປັນຂັ້ນ

         ຫັນມາຄືໝາກປິ່ນ ອັນວ່າຄາມລູກນ້ອຽ ຈັກສິ່ຄ້າງຢູ່ບ່ອນໃດເດນໍ ລາງຄົນກໍ່ໄດ້ຜົກຈອບລີ້ ໜີຫອບລົງເຮືອນ ນ້ອຽນຶ່ງມີຄົນມາ ບອກ

         ອາສາສິ່ພາຂ້າມ ພໍມາເຖິງກາງນໍ້າ ເຂົາເອົາປືນຈີ້ຄູ່ ປຸ້ນເອົາເບິດເຄື່ອງແລ້ວ ໂຕນນໍ້າມຸດໜີໄປແລ້ວ ລາງຜ່ອງຂ້າມເກືອບມົ້ມ ກາງ

         ແມ່ລຳຂອງ ພວກມັນເອົາປືນຍິງ ໃສ່ເຮືອເລີຽຫລົ້ມ ຄົນລາວຕາຍຕົກນໍ້າ ມີຫລາຽຄົວຫລາຽໝື່ນ ສົບອືດຂຶ້ນ ຟູນໍ້າເມື່ອລຸນ ມີຄົນລາວ

         ຕາຍຈົມນໍ້າ ກາງແມ່ລຳຂອງ ດູດັ່ງຄະນານັບ ແຕ່ເໜືອເຖິງໃຕ້ ລາງຜ່ອງໄຫລໄປຄ້າງ ກາງຫີນແມ່ນໍ້າໃຫ່ຽ ລາງຜ່ອງໄຫລໄປເປິະຟັ່ງນໍ້າ

         ຝູງແຮ້ງແຫ່ກິນນັ້ນແລ້ວ ລາງຜ່ອງເຊືອກມັດຄໍ ມືໂຮບຕິດກັນກໍມີດາຽ= ຍັງເປັນສາວຊອນລອນຄູ່ກັນດູຮ້າຽ ຍັງໄດ້ຫລຽວເຫັນສິ້ນ

         ຕີນໃໝ່ຄຳນາງນຸ່ງຢູ່ແລ້ວ ຄັນວ່າແນມເບິ່ງແລ້ວ ເປັນໜ້າອີ່ດູແທ້ໃດ ລາງຜ່ອງຫົວກຸດຫ້ຽນ ເຫລືອແຕ່ເລົາຄີງກໍ່ມີໃດ ຟອງນໍ້າຕີມາ

         ເປິະຂາດຄາກໍໄຄ້ ຍັງມີສົມຟູນໍ້າ ຕາມໂຕເປັນບາດກໍມີໃດ ຄືແນມເບິ່ງຈັກຖືກຂ້າ ຕາຍຍ້ອນມີດຂັວນ ສ່ວນວ່າໃນແມ່ນໍ້າ ມີແຕ່ສົບ

         ລາວ ຟູຕາມລຳແມ່ຂອງ ສາບສະອາງປາບ້ອນ= ທາງບົກນັ້ນ ມັນກໍ່ນຳຄຸມຂ້າ ພວກພໍ່ໄຮ່ຊາວນາຫລາຽຄົນທຸກຂນາດ ຊາຕຈິ່ງໄດ້ແຕກ

         ມ້າງ ຄາວນີ້ດັ່ງລືແທ້ນາ ລາງຜ່ອງ ອູ້ມລູກຂຶ້ນ ຄາບຂີ່ຄໍໂຕ ມືນັ້ນຖືຖົງຢາງເປົ່າລົມລອຽນໍ້າ ລອຽຈົ່ນສິ່ມົ້ມ ຖົງຢາງເລີຽຮົ່ວ ພໍສະເດີດ

         ເຂົ້າຟັ່ງໄດ້ ເລີຽມົ້ມເກືອບບໍ່ຕາຍ ພໍເມື່ອມົ້ມຟັ່ງແລ້ວ ກອດເອົາລູກແນມຄືນ ຄິດເຖິງເມັຽແພງຂັວນ ຜູ້ຢູ່ພາຽຫລັງພຸ້ນ ສົງຄ໌ສານ

         ເດທັງແອນ້ອຽ ເຖິງຍາມຮ້ອງຫາແມ່ລູກນາ ມັນຫາກຄິດຮອດຈູ້ ນົມແທ້ແມ່ຕົນ ສ່ວນເມັຽກັບລູກນ້ອຽ ຍັງອີກຫລາຽຄົນ ຢູ່ເຮືອນ

         ພຸ້ນ ໂຕນຕາມກັນບໍ່ທັນ ພາກກັນຫລາຽໜ້າ ໄດ້ແຕ່ຊອມຜົກລີ້ ຕົກໃຈໂຕສັ່ນ ທັງຄິດເຖິງລູກນ້ອຽກັບຜົວແກ້ວຂ້າມແມ່ຂອງໄປນັ້ນ

         ລາງຄົນຮອດຟັ່ງແລ້ວ ຊໍ້າພັດຕ່າວລອຽຄືນ ຍ້ອນຄະນິງເມັຽຂັວນ ແລະໄຮ່ນາຜາທ້າງ ພວກແນວລາວມັນຮູ້ ຊົມເຊີຍຂນາດ ມັນພາ

         ກັນອອກຂ່າວສຽງຟົດຟື້ນ ວ່າລາວຮູ້ເມື່ອຄີງ ບາດວ່າອອກຂ່າວແລ້ວ ປີນຶ່ງຍາມດຽວ ວັນຄືນດີ ຖືກເຊີນໄປຈ້ອຽ ຟັງສຽງຫລາຽຄົນເວົ້າ

         ວ່າໄປສຳມະນາສືບຕໍ່ ແຕ່ວ່າຄວາມຄັກນັ້ນ ໃຜບໍ່ຮູ້ຫ່ອມໃຜດອກນາ= ຍັງມີເຣື້ອງໂສກເສົ້າອະນັນເນກເຫລືອຫລາຽ ກ່ຽວກັບລາວ

         ອົພຍົບ ແຕກໜີເມືອງບ້ານ ເທື່ອນີ້ຈາພຽງບັ້ນ ໂຕນຂອງຂ້າມທ່າ ຜືນແຜ່ນຟ້າ ຍັງກ້ວາງກ່ວາຫລັງ ຕົ້ນເຫຕຸລາວດີກລີ້ ໜີຈາກ

         ເມືອງລາວນັ້ນ ບໍ່ແມ່ນຊຸ່ມຄົນລາວ ຊົ່ວຊາມເຫລືອລົ້ນຫລາຽເລີ ເພາະມັນເປັນຍ້ອນແກວ ກັບແນວລາວຜີບ້າ ສັນດານຄືສັດປ່າ ໃຊ້

         ອຳນາຈເຂັ່ນຂ້າ ຄຸມຄັ້ນຂົ່ມເຫັງລາວແລ້ວ ຈົ່ນວ່ານໍ້າຕາຄົນລາວໄຫລດັ່ງລົ້ນ ປຸນເລືອດລິນໄຫລ ສຸດແສນດວງໃຈເຈບທັ່ງທວງທົງ

         ແຄ້ນ ຄັນແມ່ນຄືນເມືອລາວຫ່ອນໄດ້ ແນງຕາຍສາດີກ່ວາລາວເອີຽ ໃນໂລກກ້ວາງ ລືລໍ້າໃຫ້ຢູ່ໄປທ່ານເອີຽ =ສ່ວນເສຣີພາບນັ້ນ ມັນ

         ຢູ່ແດນໃດ ສິດທິໄຊຍະຊົນ ຢູ່ໃສຈິງແທ້ ຄົນລາວຂໍວອນວານຮ້ອງ ເຖິງຊາວຊຸມມະນຸສໂລກ ເຊີນຊ່ວຍດຶງຈ່ອງໃຫ້ ໃຫ້ລາວໄດ້ຕ່າວຄືນ

         ແນ່ໜາ ຄົນລາວໜີຈາກບ້ານ ຄະນິງຫໍ່າພາຽຫລັງຢູ່ໃດ ພົງພັນເຊື້ອເມືອງລາວຖິ່ນເກົ່າ ແກວເຂົ້າມາທັບມ້າງ ເຮືອນຢ້າວຈົ່ນບໍ່ຍັງ

         ພວກເຮົາໃຫ້ພາກັນເຂົ້າມາທ້ອນ ໂຮມລາວໃຫ້ມັນແກ່ນ ເພື່ອຈັກຫລົບຕ່າວປີ້ນ ຄືນບ້ານແຫ່ງເຮົາພີ່ນ້ອງເອີຽ ເຈົ້າຜູ້ເນົາເຂຕກ້ວາງ

         ທຸກແຫ່ງແດນໃດກໍ່ດີ ສຸຂທຸກຫຍັງ ຢ່າໄດ້ລືມເມືອງບ້ານ ປະຊາຊົນຄົນລາວເຮົາ ຜູ້ຢູ່ທາງບ້ານພຸ້ນ ພໍຕາຍຍາກຍິ່ງແລ້ວເດ ແກວເຂົ້າ

         ມາເຂັ່ນຂ້າ ຄຸມຄັ້ນຂົ່ມເຫັງຢູ່ໃດ ຈົ່ນນໍ້າຕາລາວໄຫລດັ່ງລົ້ນ ປຸນເລືອດລິນໄຫລ ສຸດແສນເຈບໃນໃຈ ທັ່ງທວງທົງແຄ້ນ ຄັນພວກເຮົາ

         ຍັງສິ່ຄອງຄອຍຖ້າ ຫລາຽປີ ສິ່ເປັນອື່ນໄປໃດ ຢ້ານລາວຈົມແຈບພື້ນ ສິ່ເປັນຂ້ອຍໝູ່ແກວໄປແລ້ວ ທ່ານເອີຽ

 

                ຈາກສູນກາງລາວອິສຣະ ເພື່ອປະຊາທິປະໄຕຍ

 

                       ໃນນາມ ລຸງຈ່ອຽ ຮີທາດ ຄົ້ນພົບໃນວັນທີ-25-5-2000